Tað kunnu vera ymiskar orsøkir til, at tú steðgaði við renningini og nú hevur mist renni-konditiónina. Tað hendir fyri tey flestu, sum hava runnið eitt sindur gjøgnum lívið.

Góðu tíðindini eru, at tú lættliga kanst koma í gongd við at renna aftur - og við hesum
7 góðu ráðunum, verður tú eisini klár til ársins Kvinnurenning, sum verður leygardagin 18. mai.

1. Viðurkenn títt núverandi støði
   Byrja við at viðurkenna, hvussu renni-formurin er í dag, tí hann er heilt víst ikki tann sami, sum hann var, tá tú vart meiri virkin. Ein steðgur í renningini ávirkar kroppin, so tað er sjálvsagt, at kroppurin ikki orkar tað sama, um tú ikki hevur runnið í eina tíð, og tað fert tú at merkja, tá tú byrjar aftur. Tað góða er, at hevur kroppurin fyrr verið vanur við at renna, er tað lættari at koma í form aftur eftir ein steðg.
   
   
   Minst til, ver áhandin við venjingini, men ver samstundis góð við teg sjálva
2. Byrja varliga
   Tað loysir seg ikki at leggja hart út, tí støði er ikki tað sama nú, sum tað var, tá renningin varð løgd á hillina. Leggur tú ov hart út, er vandi fyri at tú fært skaða og als ikki fært runnið.
   Ein góð tummilsregla er, ikki at økja renningina við meiri enn 10 prosentum hvørja viku, men tað, sum er mest umráðandi, er, at lurta eftir kroppinum. Ert tú serliga troytt ta einu vikuna, so tak tað eitt sindur róligari.
   Tað kann vera eitt gott hugskot at byrja við at annaðhvørt ganga og renna, og tað kann ein app sum C25K (Couch to 5 km) vera eitt gott amboð at brúka. Minst til, ver áhandin við venjingini, men ver samstundis góð við teg sjálva.
   
   
3. Styrk kroppin og minka um skaðar
   Tað kann vera eitt gott hugskot at hugsa um at hita væl upp og strekkja væl út áðrenn og aftaná renningina. Samstundis er tað eisini umráðandi at venja styrkivenjing, so tú styrkir kroppin og harvið minkar um skaðar.
   
   
4. Rennið saman
   Tað kann verða strævið at byrja aftur at renna, og tí kann tað hjálpa at renna saman við eini vinkonu ella í einum renni-felag, har tú býrt. Tað ger bæði renningina meiri sosiala og ger eisini, at tú hevur onkran, sum bíðar eftir tær, og tá er tað ofta verri at finna uppá umberingar fyri ikki at fara avstað. Stuðul frá øðrum ger eisini nógv fyri motivatiónina.
   
   
5. Minst til at hvíla teg
   Tað er gott at hava í huga, at tað er tíðin millum venjingarnar - tá tú hvílir teg - sum ger teg kropsliga og mentalt sterkari . Tí er tað umráðandi eisini at minnast til ikki at gera ov nógv av og at geva kroppinum ta hvíld, honum tørvar.

Melda til Kvinnurenningina her :) 

Kelda: Runnersworld.com