Stjørnurnar kunnu evnast á fleiri ymiskar hættir, tú kanst klippa endarnar á ymsar hættir, gera faldarnar tjykkri ella smalri og gera stórar og smáar stjørnur. Tær stóru hóska væl til eitt vindeyga ella at heingja saman í einum tyssi. Tær smáu kanst tú pynta jólagávur við ella heingja á jólatræið. Øll sløg av pappíri kunnu nýtast. Tapet-leivdir, gávupappír, pappírsposar, bakipappír ella bókabløð. Einans hugflogið setur markið.

Tú skalt brúka
Pappír
Lím ella heftimaskinu
Ein góðan saks
Band

Soleiðis gert tú

1. Klipp eitt petti av pappíri, so tað er á leið dupult so langt, sum tað er breitt.
2. Legg pappírið saman í helvt og legg ta helvtina aftur í helvt og so framvegis, so sært tú, hvar tú skalt boyggja.
3. Byrja so at boyggja pappírið sum eina harmoniku. Boygg fyrst á einari síðu, vend so pappírinum og boygg, vend aftur og halt fram soleiðis, til alt pappírið er boygt sum ein harmonika.
4. Falda nú harmonikuna í helvt, so tú sært, hvar miðjan er og bint band um. Knýt ein knút og klipp endarnar av.
5. Klipp endarnar í tað sniðið, sum tú hevur hug til. Rundaðar endar ella hvassar sum ein tríkantur. Tú kanst eisini lata endarnar vera, sum teir eru.
6. Koyr eitt sindur av lími á ta einu síðuna og heft síðurnar saman. Endurtak hetta stigið við hinum síðunum. Tú kanst eisini festa saman við heftimaskinu.
7. Set hol í stjørnuna og lat eitt band í, so at stjørnan kann verða hongd upp.