Stødd: S (M) L

Longd: 49 (54) 59 cm, aftan

Breidd: 96 (110) 124 cm

Tilfar: Navia Duo: 3 (4) 5 noðu av brúnum 254, 1 (1) 1 noða av hvítum 21

Stokkar: Rundstokk 60 ella 80 cm – nr. 4 og nr. 4½

Ermastokkar nr. 3

Bint soleiðis at:         22 eygu = 10 cm á stokki nr. 4½

20 eygu = 10 cm á stokki nr. 4

Hetta hevur týdning fyri, at plaggið skal fáa røttu støddina.

Forstykki og ryggur verða bundin hvørt sær, aftur og fram. Forstykkið verður bundið á stokki nr. 4 og nr. 4½ og ryggurin bundin á stokki nr. 4. Ryggurin er eitt vet longri enn forstykkið.

Forstykki: Verður bundið aftur og fram. Kasta 105 (121) 137 eygu upp á stokk nr. 4 við Navia Duo brúnum og bint 9 umfør rond (1 rætt og 1 rangt) aftur og fram.

Skift til stokk nr. 4½ og bint mynstur eftir diagramminum, til forstykkið er 24 (28) 32 cm. Uttasta eygað á báðum síðum verður bundin við brúnum øll umførini og er ikki ein partur av diagramminum.

Læs nú tey 7 eyguni í miðjuni av til v-háls og bint hvørt síðustykki fyri seg soleiðis: Bint aftur og fram og tak 4,1,1,1 (5,1,1,1) 5,2,1,1 eygu av á 2. hvørjum umfari til ermagap, samstundis sum tú tekur 1 eyga av til v-hálsin á 4. hvørjum umfari íalt 13 (14) 15 ferðir, enda við 4 umførum uttan avtøku. Lat eyguni hvíla.

Ryggur: Verður bundin aftur og fram. Kasta 93 (111) 129 eygu upp á stokk nr. 4 Navia Duo brúnum og bint 15 umfør rond (1 rætt og 1 rangt) aftur og fram.

Halt fram at binda við stokki nr. 4. Bint slætt, til ryggurin er 27 (31) 35 cm. Læs nú 3,1,1 (4,1,1) 4,2,1 eygu av á 2. hvørjum umfari til ermagap. Halt fram at binda slætt, til ermagapið er eins langt sum ermagapið á forstykkinum. Bint ryggin og forstykkið saman.

Kantur um ermagapið: Samla umleið 96 (104) 112 eygu fram við ermagapinum við ermastokkum nr. 4 og bint 7 umfør rond (1 rætt og 1 rangt). Læs av.

Hálsur: Samla umleið 124 (134) 144 eygu fram við hálsinum við ermastokkum nr. 4. Byrja, har v-hálsurin gongur á skák, halt fram runt um hálsin og niður til tey 7 avlæstu eyguni mitt framman – har 7 eygu eru læst av, verða ikki eygu tikin upp. Bint 9 umfør rond (1 rætt og 1 rangt). Læs av.

Kanturin fram við hálsinum: Legg høgru síðu á hálskantinum oman yvir vinstru síðu og seyma kantarnar fastar niður móti kantinum.

Vask: Vaska vestin við Navia sápu og legg hann síðan at turka. Pressa vestin varisliga við vátum klúti.