Basilikum

Tað er tað besta at eiga frískt basilikum at taka av. Brúka tað til pesto, omaná pizza,í salati ella í grýturættum. Ummm... tað smakkar! Planta nøkur fræ í ein pott. Tá ið stelkarnir eru vorðnir størri, og tað gerst ov trongt í pottinum, planta um og set umleið tríggjar stelkar í hvønn pottin. Miss ikki mótið, um planturnar hanga eitt sindur í fyrstuni. Tað tekur eitt sindur av tíð, men nakrar vikur seinni eru tær stórar við nógvum og stórum bløðum.

Prei

Tá ið tú plantar um, brúka ein gaffil at skilja stelkarnar sundur við, um teir eru vaksnir ov tætt saman.

Tomatplantur

Hóast tú ikki hevur eitt drívhús, ber væl til at fáa tomatir at vaksa. Tú skalt bara hava ein vindeygakarm við nógvum ljósi og gott pláss. Syrg fyri at velja eitt tomatslag, ið ikki gerst ov stórt, t.d. sjerritomatir. Planta 2-3 fræ í ein pott. Tá ið tað fer at spíra, og plantan gerst størri, planta so um og set eina plantu í hvønn pott. Prei Tomatir eru vætumiklar, og tí skulu tær eisini fáa nógv vatn. Vatna regluliga og lat ikki moldina turka fullkomiliga. Brúka bambuspinnar ella blómupinnar at binda plantuna upp við og at styðja seg upp at, tí planturnar kunnu gerast rættiliga høgar.

Visti tú, at tað er allarbest at seta tomat planturnar í eitt vindeyga, ið vendir suðureftir?

Prei Tað er ikki neyðugt at keypa eina rúgvu av pottum ella øðrum, tá ið tú byrjar at planta. Brúka t.d. eggjabakkar ella vaskaðar mjólkarpakkar, ið eru skornir í helvt, til at forspíra í.

Prei Tá ið tú hevur sáðað, kanst tú leggja eitt sindur av húsarhaldsfilmi omaná fyri at gera eitt mini-drívhús. So gongur skjótari við forspíringini. 

Góða eydnu og væl gagnist!