Tú verður ofta sjúk
Um tú ofta verður smittað av sjúku, ið er í umferð, so kann tað vera tekin um D-vitamin mangul. Danskir granskarar hava, sum teir fyrstu í heiminum, uppdagað, at immunverjan hevur tørv á D-vitamin fyri at virka væl.
Tú hevur skiftandi sinnalag
Um lagið skiftir brádliga alla tíðina, so kann tað vera tí, at tú manglar D-vitaminir. Kanningar hava víst ein samanhang millum tunglyndi og D-vitamintrot, og um tú stríðist við vetrartunglyndi, kann orsøkin vera júst hendan.
Hárið verður tynri
Tú sært kanska nógv hár í bustini ella í brúsuni. Tað kunnu vera fleiri ymiskar orsøkir til, at hárið verður tynri, men tað kann eisini vera tekin um D-vitamin trot. Ein kanning frá 2013, sum varð gjørt á universitetinum í Kairo, vísti, at kvinnur, sum mistu nógv hár, høvdu munandi lægri nøgdir av jarni og D-vitamin í blóðinum.
Tú ert deyðatroytt
Vit kunnu allar verða móðar, men um tú í longri tíð følir, at tú mást at hála teg sjálva avstað til alt, kann tað vera tekin um, at tú manglar D-vitamin - tað er nevniliga samband millum D-vitamintrot, vánaligan svøvn og ógvusliga møði.
Tú hevur pínu í rygginum ella lendum
Um tú hevur ilt í ryggi ella lendum uttan nakra ordiliga orsøk - so sum av andsperru ella menstruatión - so kann tað vera orsakað av D-vitamin troti. Ov lítið av D-vitamin kann nevniliga elva til veikar og móðar vøddar, sum kunnu hava sær ryggpínu við sær.
Tú følir teg veika
Vøddarnir kunnu kennast troyttir og tungir, so tú hevur pínu, serliga í lørunum, tjúkkunum og niðara partin av rygginum. Tað kann eisini kennast tungt at lyfta armarnar. Hetta kann vera tekin um D-vitamintrot, nevniliga tí, at hendan vitaminin skal til, soleiðis, at vøddarnir kunnu virka, sum teir eiga.
Tú hevur ilt í beinagrindini
Minnist tú kensluna av vakstrarpínu, sum tú kanska føldi sum barn? Sum vaksin kann tann kenslan vera tekin um D-vitamin trot. D-vitamin spælir nevniliga ein týðandi leiklut í kroppinum, tá ið kalsium verður upptikið úr tarmunum.
Keldur: alt.dk, healthandscience.eu, sundhedogforbyggelse.dk, videnskab.dk, bederelivsstil.dk, netdoktor.dk
