Tilfar

1 kg av eplum

3 purrur

1 leykur

5-6 kvistar av timian

1 ssk av olivenolju

0,8 litrar av høsnabouillon

1/2 dl av róma

Smakka til við kvørnaðum pipari og salti

Flys eplini og sker tey í smáar bitar.

Hakka leykin og sker purrurnar í tunnar flísar. Stoyt alt í eina grýtu saman við eplunum og kvistunum av timian – og steik í olivinolju í nakrar minuttir.

Stoyt síðan høsnabouillon í grýtuna og lat smákóka, til eplini eru moyr.

Blenda nú suppuna væl, so hon verður kremut og uttan klumpar.

Stoyt róman í og hita suppuna væl, meðan tú rørir róman saman við suppuni.

Smakka til við salti og kvørnaðum pipari.

Borðreið við broysknum beykoni, frískum grasleyki, kvørnaðum pipari og góðum breyði.