Tilfar
500 g av laksastykkjum frá Hiddenfjord 
½ tsk av salti
½ tsk av nýmalnum pipari
½ tsk av paprika
½ tsk av oregano
½ tsk av timian
¼ tsk av cayennepipari
½ tsk av leykpulvuri 

Hunangsglasing
30 g av smøri
1 ssk av olivinolju
3 fet av hvítleyki
3 tsk av soya
140 g av hunangi
2 ssk av vatni
1 tsk av Sambal Olek
Saft av hálvari leim 

Soleiðis gert tú
Lat laksastykkini tiðna í køliskápi.
Dubba laksin turran og sker í hóskandi stykkir
Krydda við salti, pipari, paprika, oregano, timiani, cayennepipari og leykpulvuri. Set til síðis, meðan tú gert hunangsglasingina.
Sker hvítleykin í tunnar flísar. Lat smør og olju á eina pannu; tá smørið er smeltað, lat hvítleyk, hunang, Sambal Olek, leimsaft, vatn og soya á pannuna. Lat smákóka í 1 minut. 
Legg laksastykkini á pannuna við skræðuni niðureftir. Lat steikja í 8-10 minuttir, meðan tú alla tíðina stoytir hunangsglasing oman yvir laksastykkini.
Borðreið laksin við smátt hakkaðum várleyki og hunangsglasing. Njót aftur við rísi og edamamebønum. 

Visti tú … 

At laksastykkini frá Hiddenfjord verða pakkað einans tríggjar tímar eftir, at laksurin er tikin úr havinum. Hetta tryggjar bestu góðsku. Av tí at laksurin verður frystur einans tríggjar tímar eftir tøku, er fiskmetið so fast, at til ber ikki at taka beinini úr; men tað er sera lætt og skjótt at taka beinini úr, tá ið laksurin er tiðnaður. Ein leiðbeining um, hvussu beinini skulu takast úr, liggur í hvørjum pakka. Laksastykkini frá Hiddenfjord fáast í flestu stóru matvøruhandlunum.