Botnur:

3/4 pk digestive keks
125 g av smøri

Smelta smørið í einari grýtu og knúsa tú keksirnar í. Rør alt væl saman og stoyt tað í ein springform. Springformurin (uttan botn) má standa á einum køkufati.

Fylla:

2 pk av róma
2 pk  av rómaosti naturel
220 g av sukri
2 tsk av vaniljusukri

Píska rómaost, sukur og vaniljusukur væl saman.
Pískað róman stívan.
Rør so alt væl saman, og legg omaná keksirnar.

Omaná:
300 g av frystum hindberum
120 g av sukri
2 ssk av vatni

Hetta skal alt koyrast í eina grýtu og kóka spakuliga í uml 15 min. Rørast av og á.
So skal tað sílast, so bara saftin er eftir. Steinarnir av hindberunum skulu vekk. Royn at fáa so nógv sum gjørligt av saftini við.

Hetta skal kólna, áðrenn tað verður stoytt omaná køkuna. Rør av og á, meðan tað kólnar, og stoyt hindberjasósina varisliga omaná køkuna.

Set kakuna kalt til dagin eftir.