Vit snakka um pengar

Hoyr 5. partin her

Lurta við meðan vit saman finna útav, hvat skal til av fígging fyri at kunna seta búgv í dag. Vit tosa eisini um, hvussu umráðandi tað er, at tú og bankaráðgevin hava álit á hvørjum øðrum, og at samskiftið tykkara millum er opið.

Vertir eru Annika Kunoy Im og Tóra Effersøe Mortensen. Við okkum í poddinum eru Miriam Hentze Johannesen, sum lutar av egnum royndum, nú hon fyri kortum sjálv hevur verið í eini byggitilgongd og Alice Fredriksberg, bankaráðgevi.

Parturin er stuðlaður av Betri Banka.

Um røðina

Vit snakka um pengar er poddvarpsrøð hjá Kvinnu í níggju pørtum. Gjøgnum hesar níggju partarnar kava vit í evnið pengar við eini vón um, at vit fáa svar uppá spurningarnar, sum vit ofta ikki tora at spyrja, gerast klókari um okkara egnu viðurskifti og standa á einum sterkari økonomiskum grundvølli við betri vitan og fortreytum.

Fyrstu tríggir partarnir eru um pensjón, síðan eru tríggir partar um bankaviðurskifti og til endans tríggir partar um trygging.