Botnur
225 g av digestive keksum
115 g av smeltaðum smøri frá Røsku

Hvítt ostakrem
1,5 dl av róma frá Røsku
3 límbløð (husblas)
2 hitaviðgjørdir eggjareyðar
1,5 ssk av sukri
300 g av rómaosti
150 g av hvítari sjokulátu

Myrkt ostakrem
1,5 dl av kakaomjólk – klassiskt, frá Røsku
3 límbløð
2 hitaviðgjørdir eggjareyðar
1,5 ssk av sukri
300 g rómaosti
50 g av myrkari sjokulátu

Botnur
Blenda keksirnar og rør keksamorlið saman við smeltaða smørinum. Trýst keksamorlið í ein form (22 ella 24 cm tvørmál). Set botnin at kólna, meðan tú gert ostakremið.

Myrkt ostakrem
Hita kakaomjólkina við lágum hita, hon skal ikki kóka. Upploys límbløðini í heitu kakaomjólkini.

Píska eggjareyðarnar og sukrið, til tað er luftvorðið.

Rør rómaostin í eggjareyðablandið. Smelta sjokulátuna og rør hana í rómaostablandið, og at enda rørir tú flógvu kakaomjólkina væl saman við restini.

Stoyt ostakremið varliga oman á keksabotnin. Set kalt í umleið tveir tímar.

Hvítt ostakrem
Hita róman við lágum hita, hann skal ikki kóka. Upploys límbløðini í heita rómanum.

Píska eggjareyðarnar og sukrið, til tað er luftvorðið.

Rør rómaostin í eggjareyðablandið. Smelta sjokulátuna og rør hana í rómablandið, og at enda rørir tú róman væl saman við restini.

Stoyt ostakremið varliga út yvir myrka ostakremið. Set kalt í umleið tveir tímar.

Appilsingelé 
3 límbløð
4 appilsinir
55 g av sukri

Soleiðis gert tú 
Pressa saftina úr appilsinunum. Kóka appilsinsaftina saman við sukrinum. Tak grýtuna av plátuni, og bloyt límbløðini í heitu saftini og lat kólna í 10-15 minuttir. Stoyt varliga geléið oman á ostakøkuna. Set kalt í minsta lagi fimm tímar – helst alla náttina. Pynta við sjokulátuspønum og árstíðarhóskandi berum.